اندھیری رات ہے غم کی گھٹا عصیاں کی کالی ہے دلِ بے کس کا اِس آفت میں آقا تُو ہی والی ہے/ Andheri raat hai gham ki ghata isyaa(n) ki kaali hai

کلامِ رضا 

اندھیری رات ہے غم کی گھٹا عصیاں کی کالی ہے

دلِ بے کس کا اِس آفت میں آقا تُو ہی والی ہے

نہ ہو مایوس آتی ہے صَدا گورِ غریبَاں سے

نبی اُمّت کا حامی ہے خدا بندوں کا والی ہے

اُترتے چاند ڈھلتی چاندنی جو ہو سکے کر لے

اندھیرا پاکھ آتا ہے یہ دو دن کی اُجالی ہے

ارے یہ بھیڑیوں کا بن ہے اور شام آگئی سر پر

کہاں سویا مسافر ہائے کتنا لا اُبالی ہے

اندھیرا گھر، اکیلی جان، دَم گُھٹتا، دِل اُکتاتا

خدا کو یاد کر پیارے وہ ساعت آنے والی ہے

زمیں تپتی، کٹیلی راہ، بَھاری بوجھ، گھائل پاؤں 

مصیبت جھیلنے والے تِرا اللہ والی ہے

نہ چَونکا دن ہے ڈھلنے پر تری منزل ہوئی کھوٹی

ارے او جانے والے نیند یہ کب کی نکالی ہے

رضاؔ منزل تو جیسی ہے وہ اِک میں کیا سبھی کو ہے

تم اس کو روتے ہو یہ تو کہو یاں ہاتھ خالی ہے

urdu islamic official

kalam e raza

Andheri raat hai gham ki ghata isyaa(n) ki kaali hai

dile bekas ka is aafat mein Aaqa tu hi waali hai

 Na ho maayoos aati hai sada gore ghareeba(n) se

Nabi ummat ka Haami hai Khuda bando(n) ka waali hai

 Utarte chaand dhalti chaandni jo ho sake kar le

Andhera paakh aata hai yeh do din ki ujaali hai

 Are yeh bhediyon ka ban hai aur shaam aagayi sar par

kahaan soya musaafir haaye kitna laa ubaali hai

 Andhera ghar, akeli jaan, dam ghut-ta, dil uktaataa

Khuda ko yaad kar pyaare woh saa-at aane waali hai

 Zamee(n) tapti, kateeli raah, bhaari bojh, ghaail paau(n)

musibat jhelne waale tera Allah waali hai

 Na chaunka din hai dhalne par teri manzil hui khoti

are o jaan wale neend ye kab ki nikaali hai

 Raza manzil to jaisi hai woh ik main kya sabhi ko hai

tum is ko rote ho yeh to kaha yaa(n) haath khaali hai