ان کی مہک نے دل کے غنچے کھلا دیئے ہیں/Unki Mahak Ne Dil Ki Gunche Khila Diye Hai

 اُن کی مہک نے دِل کے غُنچے کِھلا دئیے ہیں 

جس راہ چل گئے ہیں کُوچے بَسا دیے ہیں

جب آگئی ہیں جوشِ رحمت پہ اُن کی آنکھیں 

جلتے بُجھا دیے ہیں روتے ہنسا دیے ہیں

اِک دل ہمارا کیا ہے آزار اس کا کتنا

تم نے تو چلتے پِھرتے مُردے جِلا دیے ہیں

ان کے نثار کوئی کیسے ہی رنج میں ہو

جب یاد آگئے ہیں سب غم بُھلا دیے ہیں

ہم سے فقیر بھی اب پھیری کو اُٹھتے ہوں گے

اب تو غنی کے دَر پر بِستر جما دیے ہیں

اَسرا میں گزرے جس دم بیڑے پہ قُدسیوں کے

ہونے لگی سَلامی پرچَم جھکا دیے ہیں

آنے دو یا ڈُبو دو اب تو تمہاری جانِب

کَشتی تمہیں پہ چھوڑی لنگر اُٹھا دیے ہیں

دُولہا سے اِتنا کہہ دو پیارے سُواری روکو

مشکل میں ہیں براتی پُرخار بادیے ہیں

اللہ کیا جہنّم اب بھی نہ سَرد ہوگا

رو رو کے مصطفیٰ نے دریا بہا دیے ہیں

میرے کریم سے گر قطرہ کِسی نے مانگا

دریا بہا دیے ہیں دُر بے بہا دیے ہیں

مُلکِ سُخَن کی شاہی تم کو رضاؔ مُسلَّم

جس سَمْت آ گئے ہو سِکّے بٹھا دیے ہیں

urdu islamic official 

kalam e raza

 Unki Mahak Ne Dil Ki Gunche Khila Diye Hai

Jis Raah Chal Diye Kunche Basa Diye Hai.

Jab Aa Gayi Hai Joshe Rehmat Per Unki Ankhen

Jalte Buja Diye Hai, Rote Hansa Diye Hai.

Ek Dil Hamara Kya Hai, Aazaar Uska Kitna

Tumne To Chalte Phirte Murde Jila Diye Hai.

Unke Nisar Koi Kaisi Hi Ranj May Ho

Jab Yaad Aa Gaye Hai Sab Gam Bhoola Diye Hai.

Humse Faqir Bhi Abb Feri Ko Oothte To Honge,

Abb To Gani Ke Dar Pe Bistar Jama Diye Hai.

Asra May Guzre Jis Dam Baide Pe Qudsiyo Ke

Hone Lagi Salami Parcham Jhooka Diye Hai.

Aane Do Ya Doobo Do Abb TO Tumhari Jaanib

Kasti Tumhi Pe Chhodi Lanagr Ootha Diye Hai.

Dulha Se Itna Keh Do Pyare Sawari Roko

Mushkil May Hai Baraati Purkhaar Wadiye Hai.

Allah Kya Jahannam Abb Na Shard Hoga

Ro Ro Ke Mustafa Ne Dariya Baha Diye Hai.

Mere Karim Se Gar Khatra Kisi Ne Manga

Dariye Baha Diye Hai Dur Be Baha Diye Hai

Mulke Shuqan Ke Shahi Tumko RAZA Mussllam

Jis Simt Aa Gaye Ho Sikke Bitha Diya Hai

urdu islamic official