اے شافعِ اُمَم شہِ ذِی جاہ لے خبر / Aye Shafaye Umam shahe zee jaah le khabar

 

کلام رضا

اے شافعِ اُمَم شہِ ذِی جاہ لے خبر

لِلّٰہ لے خبر مِری لِلّٰہ لے خبر

دریا کا جوش، ناؤ نہ بیڑا نہ ناخدا

میں ڈُوبا، تُو کہاں ہے مِرے شاہ لے خبر

منزل کڑی ہے رات اندھیری میں نَابَلَدْ

اے خِضر لے خبر مری اے ماہ لے خبر

پہنچے پہنچنے والے تو منزل مگر شہا

اُن کی جو تھک کے بیٹھے سرِ راہ لے خبر

جنگل درندوں کا ہے میں بے یار شب قریب

گھیرے ہیں چار سَمْت سے بدخواہ لے خبر

منزل نئی عزیز جُدا لوگ ناشناس

ٹُوٹا ہے کوہِ غم میں پرِکاہ لے خبر

وہ سختیاں سوال کی وہ صورتیں مُہِیْب

اے غمزدوں کے حال سے آگاہ لے خبر

مُجرم کو بارگاہِ عدالت میں لائے ہیں 

تکتا ہے بے کسی میں تِری راہ لے خبر

اہلِ عمل کو اُن کے عمل کام آئیں گے

میرا ہے کون تیرے سِوا آہ لے خبر

پُر خار راہ، برہنہ پا، تِشنہ آب دور

مَولیٰ پڑی ہے آفتِ جانکاہ لے خبر

باہَر زبانیں پیاس سے ہیں ، آفتاب گرم

کوثر کے شاہ کَثَّرَہُ اللہ لے خبر

مانا کہ سخت مجرم و ناکارہ ہے رضاؔ

تیرا ہی تو ہے بندۂ درگاہ لے خبر

urdu islamic official

kalam e raza

Aye Shafaye Umam shahe zee jaah le khabar

Lillah le khabar meri lillah le khabar

Dariya ka josh naav na beda na naakhuda

Main dooba tu kaha hai mere shah le khabar

 Manzil kadi hai raat andheri main na balad

Aye khizr le khabar meri aye maah le khabar

 Pahuche pahuchne wale to manzil magar shaha

Unki joh thak ke baithe sare raah le khabar

 Jungle darindo ka hai main be yaar shab kareeb

Ghere hai chaar samt se bad khwah le khabar

 Manzil nayi azeez juda log na shanaas

Toota hai kohe gham mein pare kaah le khabar

 Woh sakhtiya sawaal ki woh surate muhib

Aye ghamzado ke haal se aagaah le khabar

 Mujrim ko bargaahe adalat mein laaye hain

Takta hai be kasi mein teri raah le khabar

 Ahle amal ko unke amal kaam aayenge

Mera hai kaun tere siwa aah le khabar

 Purkhaar raah barhana pa tishna aab door

Maula padi hai aafate jaankaah le khabar

 Bahar zabaane pyaas se hain aaftaab garm

Kauthar ke shah kath-tharahu-llah le khabar

 Maana ki sakht mujrimo naakaara hai Raza

Teri hi to hai bandaye dargaah le khabar

urdu islamic official